Saba

Van Huffelen ta mustra su banda deportivo durante bishita na Saba

THE BOTTOM- Sekretario di estado Alexandra Van Huffelen, durante su bishita na e isla di Saba a mustra ku e ta un hende deportivo tambe.

Te asina leu, tabata tin hopi komentario riba e bistínan di e Sekretario di Estado, ku tur día a sali ku otro paña sea kolorido o elegante.

Tòg van Huffelen ta un hende deportivo tambe. Durante su bishita na Plenchi di Trabou, Van Huffelen a risibí un bòter pa pone awa aden. “Masha great mes”, van Huffelen a bisa ora ela risibí e bòter. “Mi gusta subi mi baiskel pa kore leu, anto mi por hiba e bòter aki ku mi awor”, asina ela bisa.

Treadmill

Na Saba Van Huffelen a mustra ku no ta palabra so. Durante un bishita na F3 Fun Free Fitness Center di propietario James Granger, Van Huffelen a kita su sapatu ku spike i a kambia esakinan pa sapatunan deportivo.

Ela subi treadmill banda di Granger pa kore duru basta un pida, huntu ku e propietario di e gym. Granger ta un hende basta konosí na Boneiru ya ku ela studia na MBO i tabata traha pa basta aña na Bon Bida Gym.