Notisia

TuranGoeloe ta sigui guia studiante di Hulanda Karibense 

TuranGoeloe ta sigui guia studiante di Hulanda Karibense 

KRALENDIJK – Ministerio di Enseñansa, Kultura i Siensia riba 22 di febrüari a firma un kombenio ku ofisina TuranGoeloe pa akohida i guia di studiante di Hulanda Karibense ku ta bai sigui su formashon na Hulanda. 

For di 10-10-2020 e ministerio ta sera un kombenio pa tempu definí ku un partido di merkado pa risibí studiantenan di Hulanda Karibense (Boneiru, Sint Eustatius i Saba) na yegada i pa guia nan durante nan promé aña. Ta selektá e partido di merkado akí pa medio di un destaho públiko. Den otoño di 2021 e ministerio a tene un destaho kaminda TuranGoeloe, e partido ku a guia e studiantenan e último añanan, atrobe a sali ganadó. E kombenio ta drenta na vigor entrante 1 di mart 2022 i ta keda na vigor te ku 31 di ougùstùs 2026. Despues ku e periodo akí vense por prolongá e kombenio si ta deseá esei tres bia ku un aña.

informashon amplio tokante e guia

TuranGoeloe lo duna studiantenan di e aña 2022-2023 I nan mayornan informashon amplio tokante e guia planiá na luna di mart. Na e momento ei lo anunsiá kua pakete di servisio e ofisina lo duna i kiko e studiantenan por spera durante nan estadia na Hulanda. Tambe ta duna atenshon na asuntunan ku e studiantenan mes mester regla promé ku nan salida. Eskoho pa e sosten i guia ku e ministerio ta ofresé ta oumentá e studiante su chèns pa un komienso eksitoso den e instituto edukashonal i den sosiedat hulandes.