Coronavirus

Sifranan di Covid abou riba djadumingu

KRALENDIJK- Riba djadumingu gobièrnu a presentá sifranan basta abou pa loke ta kontagio nobo di Covid. Tin solamente tres kaso nobo di Covid-19.

Tin 205 kaso aktivo di Covid-19 na Boneiru awe 05 di desèmber  2021. Di e 54 resultadonan di tèst ku a drenta 3 a resultá di ta positivo.

En total tin 4 persona di Boneiru den hospital ku Covid-19. Trintidos persona a rekuperá di Covid-19, i esaki a pone ku e sifta total ta baha bastante.

Djasabra

Ta bon pa remarká ku djasabra departamentu di Salubridat Públiko no a presentá su sifranan ku e ta bin ta presentá tur dia for di dia a kuminsá tèst i publiká e resultado aki diariamente. No a duna motibu dikon no a publiká esakinan, i no por ekskluí e posibilidat ku ta pa motibu di sierto problemanan interno, ta parse ku tin ménos tèst positivo di loke ta e kaso realmente.