Notisia

Segun gobièrnu drechamentu di kaminda ta kanando segun plan

Un bista di e trabounan na kaya Platina (Nawati). Pòtret: Entidat Públiko Bonaire

KRALENDIJK- Segun informashon di Entidat Públiko Bonaire (EPB) trabounan andando riba e diferente kamindanan lo bai sigui den luna di mart.

Trabounan riba Seru Largu ta yegando final. Dentro di poko lo drecha e asera ku greis i lo instalá bara di protekshon pa por garantisá siguridat di usuarionan di Seru Largu.

Na Rincon, drechamentu di Kaya Cornelis D Crestian na Rincon ta bai den diferente fase. E promé fase a finalisá aña pasa. E di dos fase a inisiá den e di dos mitar di luna di yanüari i lo finalisá den e di dos mitar di luna di mart.

Nawati

E trabou di renobashon di Kaya Platina den e bario Nawati na Nort’i Saliña a sigui den e di dos siman di yanüari. E trabou akí tambe ta konsistí di dos fase debí na entre otro trabounan di saneamentu ku tin planiá pa loke ta trata e pipanan di distribushon di awa. Den estrecho kolaborashon ku kompanianan di utilidat, e trabou ta kanando segun planifikashon. Na final di luna di mei lo finalisá e proyekto aki.