Notisia

Sambuyadó ta bin den problema na St. Eustatius i ta muri

ORANJESTAD- Un sambuyadó hòmber ku tabata sambuyá den awanan rondó di St. Eustatius djadumingu mainta na momentu dado a pèrdè konsiensia. A kore hiba e hòmber kantu, kaminda personal di ambulans a trata na reanim’é.

Lástimanente, segun un komunikado di prensa di KPCN, tur esfuerso tabata enbano. Banda di 11 ‘or di mainta a konstatá morto di e hòmber di 68 aña di edat.

Kuerpo polisial a ekspresá palabra di kondolensia na famia di e defuntu.