Notisia

Salubridat Públiko ta konfirmá presensia di variante Omikròn na Boneiru

KRALENDIJK – Definitivamente ya a konstatá e variante ómikròn di e vírùs di corona na Boneiru.  Esei tèstnan di e último dos simannan a mustra. E departamento di Salubridat Públiko a manda 60 muestra di tèst Aruba. Den 17 di 60 kaso ta bai pa e variante ómikròn.  

Ta remarkabel ku di e 60 muestranan di e resultadonan di tèst di Boneiru, ya den mas ku un kuart di e kasonan ta bai pa e variante ómikròn. Esaki ta kuadra tambe ku loke nos sa di e variante akí. Esta ku e ta plama hopi rápido i fásil.  

Den kaso di mayoria di hende na Boneiru ku a resultá di a kontagiá ku e variante ómikròn, ta trata personanan ku probablemente a pega ku e vírùs den eksterior. Salubridat Públiko ta kere ku e variante omikròn ta plama tambe bou di habitantenan di Boneiru. Ta asina ku na Boneiru un par di habitante a kontagiá ku e variante ómikròn, miéntras nan no a biaha resientemente. 

Segun dòkter Mercuur, aktualmente enkargá ku maneho di Covid na Boneiru ta bisa ku último dianan a mira ku e kantidat di kontagio tabata baha, pero ku probablemente esei ta bini pasobra poko hende a bai tèst. 

Subida

“Awor ku Pasku ta tras di lomba, i hopi hende a bini Boneiru, nos ta ferwagt ku den e dianan i simannan benidero, e kantidat di kontagio ta bai subi atrobe. Spesialmente awor ku nos tin e variante ómikròn na Boneiru. Nos ta ferwagt un subida rápido di kontagio”, asina Mercuur a bisa.

Ta importante ku tur hende, personanan no bakuná í esnan bakuná, awor ta èkstra kouteloso. Siudadanonan ku ta ful bakuná, i persona ku a pasa e angua di buster tambe por kontagiá ku e variante. Un buster ta duna mihó protekshon. Mercuur ta bisa tambe ku ta pidi tur hende pa tene nan mes na reglanan básiko. Tene 1,5 meter di distansia i tèst ora bo tin keho.