Notisia

Saba ta traha pa realisá su hardin botániko

Saba ta traha pa realisá su hardin botániko

THE BOTTOM-  E isla di Saba ta trahando pa realisá un hardin botániko den e pueblo di Windward side. E tereno di e hardin botániko tin un grandura di 8400 meter kuadrat. 

Diputado Bruce Zagers ta entusmiá ku e proyekto. “E proyekto aki tin un valor agregá ambos pa residente i nos bishitanan”, asina Zagers a bisa. 

Mientrastante a pone un barera rònt di e tereno, a konstruí un kaminda riba e tereno i ta konstruyendo un kasita unda lo sembra mata i palu. E hardin, entre otro, lo haña palu di guyaba, sòrsaka, lamunchi, palu di moringa i palu di cacao. 

Zagers ta kere ku e hardin botániko lo ta un bon luga pa hende ku ta haña e otro lugánan pa kana den naturaleza muchu pisá.