Notisia

Preis di gasoline na Boneiru no ta subi hopi fuerte ainda

Preis di gasoline na Boneiru no ta subi hopi fuerte ainda

KRALENDIJK- E adapatashon den prèis pa gasoline no a subi dje drastikamente ainda. Entrante djabièrnè 11 di mart sinembaro, lo mester paga mas na pòmp ku tabata e kaso te awor. 

E prèis di gasoline, lo subi di 1.40 pa $1.43 pa kada liter. Diesel ta subi ku 9 sèn i ta bai kosta is $1.00 dòler pa kada liter. Un bòter di gas chikitu ta bai kosta $12.79 na lugá di $11.03. Un bòter di gas grandi lo bai kosta $60.71 na lugá di $51.92.

Prèis di kerosin no ta bai subi awor aki. E subida di prèis talbes lo ta ménos di loke konsumidónan tabata spera. Na Kòrsou por ehèmpel prèis di gasoline resientemente a subi ku no ménos ku 22 sèn pa liter. 

Prèis di petróleo krudo ta subiendo hopi últimamente, no na delaster lugá pa via di tenshonan mundial dor di e guera di Urkania i Rusia. Por spera ku pronto prèis di gasolina na Boneiru lo sigui subi.