Notisia

Pitamentu di outo formal dilanti di un kas situá na Malecon

Pitamentu di outo formal dilanti di un kas situá na Malecon
Polis na momento  dado a presentá, pero despues a bandoná e sitio atrobe

KRALENDIJK- Djadumingu anoche por a skucha un pitamentu formal basta ratu riba Malcon dilanti un kas di residente Hulandes Europeo. 

E pitamentu tabatin di aber ku un malkontentu di hopi suidadano. E kaso a kuminsá ora e truck ku nòmber ‘Pastechi and More’, ku tabata stashoná banda di e kas #40, mester a bai un otro sitio. 

Esaki debí ku outo ta pasa tur mainta i pita konosínan na e punto di benta, según e habitantenan di e kas, kousando un molèster pa nan. Esaki a pone ku hopi hende a plania pa djadumingu anochi pasa ku lus di ‘hazzard’ sendé i pitando nèt dilanti di e kas ku number di kas 40. Tabatin outo motosaikel, kuad i boto riba laman ku a tuma parti na e akshon.

Polis

Polis na momento dado a presentá, pero despues di algun minüt a bai atrobe for di e sitio. Hinter e suseso a resultá manera un ‘ban topa’, i aparte di sonidonan krítiko i tin biaha skèrpi, tabata tin tambe hopi harimentu bou di esnan ku a partisipá na e protesta.