Notisia

Piskadónan pèrdí bèk na Boneiru

Piskadónan pèrdí bèk na Boneiru

My Own Company na yegada huntu ku Wardakosta. Pòtret: ABC Online Media

KRALENDIJK- E dos piskadóna ku tabata pèrdí for di djadumingu atardi ta bèk na Boneiru, despues ku Wardakosta a detektá e boto My Own Company ku tabata kasi pa drenta awanan territorial di Venesuela.

Jarvis Melaan i Raimy Thielman a haña nan mes den problema, ora ku motor di e boto a stòp di traha.

Wardakosta, ku a kuminsá ku un akshon di búskeda, a logra identifiká na unda e boto a drif bai. Despues di esaki un di e Metal Sharknan di Wardakosta a tou e boto bin Waf na Kralendijk. E dos piskadónan tabata mustra kansá pero di buena salú.