Notisia

Outo persiguí pa polis ta bòltu banda di aeropuerto

KRALENDIJK- Alrededor di 5.15 or di mardugá di djadumingu, 13 di febrüari, un outo a bòltu riba Kaya Internashonal, na altura di aeropuerto. 

Polis tabata atendiendo un otro aksidente na Bulevar E.E.G. na altura di e kompania di salu, na momentu ku e outo aki tabata biniendo ku velosidat haltu. Polis a dune señal pa para, pero el a neglisha esaki i sigui kore pasa bai ku velosidat haltu. 

Aki a inisiá un persekushon pa para e outo aki pa kòntròl. Na altura di aeropuerto e shofùr a pèrdè kòntròl i e outo a bòltu. Ambulans a kontrol’e na e sitio mes i no mester a bai hospital kune pa tratamentu médiko. 

Detenshon

Seguidamente a detené e shofùr na e sitio pa no duna oído na òrdu di polis i pa sospecho di manehá bou di influensia. A bai warda kune pa, entre otro analísis di rosea, i pa investigashon mas aleu.