Notisia

Orco Bank i Aruba Bank a selebrá Siman di Apresio na Empleado

Orco Bank i Aruba Bank a selebrá Siman di Apresio na Empleado
Pòtret: e tim di ORCO na Boneiru

KRALENDIJK – Orco Bank i Aruba Bank a selebrá nan ‘Siman di Apresio pa Empleado’ 2021 (Employee Appreciation Week). E siman di apresio a kuminsá ku un enkuentro virtual “Orco Bank – Aruba Bank Summit 2021”, na tur isla, esta Aruba, Boneiru, Kòrsou, i Sint Maarten. Peter Staal, direktor di ORCO Aruba Holding, a habri e anochi i a duna palabra di bon biní, enfatisando e importansia di komunikashon i kolaborashon entre ámbos instansia.

Djaluna mainta trempan, for di Orco Bank i Aruba Bank, a kuminsá e siman ku un reunion virtual kaminda Edward Pietersz, Managing Director i CEO di Orco Bank, for di Kòrsou i Sharon Fränkel-De Cuba – Managing Director di Aruba Bank, for di Aruba, a gradisí tur empleado pa nan bon trabou i esfuersonan durante 2021. Siguientemente, empleadonan na tur sukursal di ámbos banko a risibí un dushi desayuno.

Hinter e siman ku a sigui a para den lus di e diferente aktividatnan ku a tuma lugá, manera un bingo virtual, trit personal, seshon di duna otro apresio i un ‘scavenger hunt’.

Danki

E direktornan di ORCO i Aruba Bank a bisa ku e siman di apresio ta mustra apresio na tur empleado, pero tambe un forma di yama danki pa un trabou bon hasí.