Notisia

Ofisina di impuesto a informá konsehero i ofisina di atministrashon tokante kambio den impuesto riba entrada

Ofisina di impuesto a informá konsehero i ofisina di atministrashon tokante kambio den impuesto riba entrada

KRALENDIJK- Aunke ku servisio di Impuesto pa islanan BES no a komuniká kambionan entrante promé di yanüari den impuesto riba entrada pa e públiko general, e servisio si a komuniká e kambionan nan asosiashon di ofisina di atministrashon i tambe konsehero riba tereno di impuesto.

Riba pregunta di ABC Online Media dikon no a komuniká di manera mas pro-aktivo ku lo ta bai tin sierto kambio den e lei eksistente, i montantenan di entro otro e suma riba kual no ta paga impuesto, Servisio di Impuesto a kontestá ku nan no a hasi esaki den pasado tampoko. 

Futuru

Sin embargo, Servisio di Impuesto ta bisa ku nan ta considerando si den futuro, kada fin di aña lo bai duna mas atenshon na e informashon riba kambionan ku ta drenta na vigor promé di yanüari di kada aña. 

Rabiá

Hopi hende a reakshoná negativamente riba e notisia ku a baha e montante riba kual no tin ku paga impuesto, e tambe bahada di e asina yamá ‘ouderentoeslag’. 

BC den un karta pa Sekretario di Esatado, Alexandra van Huffelen a mustra ku e kambionan no ta yudando pa baha e problema persistente di pobresa riba nos islanan. Oranisashon pa Konsumidó na Boneiru, Unkobon, tambe a reakshoná bastante rabiá riba e kambionan inesperá. “Tur hende ta mira kon preis di tur kos ta subi den último añanan. Tòg gobiernu hulandes ke pretende ku preisnan a baha na 2020, entre otro okashoná pa subsidio ku nan mes a duna, asina Wietse Koopman di Unkobon a skibi riba su Facebook personal.