Trabou

Ocho agente nobo di Koninklijke Marechaussee a huramentá

KRALENDIJK- Un total di ocho aspirante agente polisial di frontera di Koninklijke Marechaussee (KMar) a huramentá riba djabièrnè 4 di mart.

E ámtenarnan di Reino nobo i alabes agente ekstraordinario di polis (BAVPOL) a huramentá òf primintí dilanti hefe di operashon BES di KMar, kapitan Robbert Snijders i e hefe di kuerpo polisial Hulanda Karibense (KPCN), José Rosales.

Stazje

Despues di e huramentashon e aspirantenan ta kla pa e promé stazje práktiko; awor nan ta outorisá pa ehekutá aktonan ofisial. Den verano e aspirantenan ta kompletá nan formashon di kua e stazje aki tambe ta forma parti.