Notisia

Medida mas estrikto pa esnan bishitando Fundashon Mariadal

Medida mas estrikto pa esnan bishitando Fundashon Mariadal

KRALENDIJK- Fundashon Mariadal ta pidi su pashèntnan i su bishitantenan pa bisti un tapaboka ora ku nan bin hòspital òf Kas di Kuido. Esaki pasobra na nos islanan ruman ta mira ku e situashon di COVID por kambia rápidamente. 

Si un hende ku ta bishitá e fundashon no tin su tapaboka huntu kun’é esaki por haña unu na resepshon òf serka un empleado di siguridat. “Nos ta supliká bishitantenan ku tin keho pa bin bèk ora nan no tin keho mas” asina Mariadal a splika. 

Tambe ta asina ku na entrada lo sigui puntra si e bishitante òf pashent tin keho. Den kaso ku esaki ta afirmativo, bishitantenan lo wòrdu pidí pa bolbe bèk na momento ku nan ta liber di síntoma.

Bishita

Tambe e reglanan pa hasi bishita a bira atrobe un poko mas estrikto. Pashentnan ku ta sufri di COVID, no tin mag di risibí bishita. Kliente di Kas di Kuido tampoko tin mag di risibí bishita den e próksimo dos simannan. 

Otro pashènt tin mag di risibí bishita, pero esaki ta keda limitá na 1 bishitante pa día.