Notisia

Mayoria kontagio awor bou di persona entre 20 pa 60 aña

Mayoria kontagio awor bou di persona entre 20 pa 60 aña

Kralendijk – Ta prinsipalmente personanan entre 20 i 60 aña a kontagiá ku e vírùs di corona di 18 te ku 31 di òktober 2021. Asina e departamento di Salubridat Públiko a duna di konosé.

Fakansi di òktober a pone un fin na e gruponan di kontagio na skol di e periodo promé ku esei. Den e di dos mitar di òktober, hendenan a kontagiá prinsipalmente na kas i den ménos kaso na trabou òf via kontakto sosial.

Fuente

E fuente di kontagionan pa 70% di kasonan tabata konosí. Den e siman di 18 di òktober tabatin 53 kontagio nobo i den e siman di 25 di òktober 47 kaso. Esei tabata mitar ménos na kontagio ku den e siman di 11 di òktober 2021. Na kasi tur kontagio tabata trata habitantenan di Boneiru. Ta prinsipalmente a habitantenan a pasa e vírùs pa otro hende, ta poko biaha bishitante a hasi esei.   

Estado di bakunashon

Di e kantidat di personanan ku a kontagiá den e di dos mitar di òktober, algu ménos ku mitar tabata kompletamente bakuná. Personanan bakuná tambe por pega ku e vírùs. Ora un persona bakuná pega ku e vírùs, e persona akí ta pega 63 % ménos hende den su ambiente. Esaki kompará ku kantidat di hende ku un persona no bakuná ta kontagiá den su ambiente.