Empresario

Luciano ta bai habri di dos filial na Boneiru

KRALENDIJK- Luciano, e lugá mas grandi pa loke ta trata bendementu di eiskrim na Boneiru, ta bai habri un di dos filial, serka di rotònde pa bai Hato.

E filial nobo ta bai ta mas chikitu ku esun kant’i awa na Playa. Segun doño di Luciano na Boneiru, Huub Groot, e intenshon ta bai habri e filial promé ku pasku. Ta bai tin lugá pa sinta ámbos paden i pafó, aunke ménos ku ta e kaso na Playa.

Luciano na Hulanda, ku ta un konsepto di e eksperto den trahamentu di eiskrim, Luc Blok, mientrastantu a bira un kadena basta grandi na Hulanda ku no ménos ku 14 filial.

Stratégiko

Por bisa ku e filial nobo ta situá na un punta hopi stratégiko, ya ku e ta keda pegá ku hotel nobo Chogogo Time-to-Smile, ku tambe mester habri promé ku fin di aña.