Notisia

Kuater kaya lo ta parsialmente será pa renobashon

Kuater kaya lo ta parsialmente será pa renobashon

Zelfde foto als boven. Onderschrift: Trabounan na Kaya Piedra Presioso a trese un kambio hopi grandi pa e bario de Republiek

KRALENDIJK- Den simannan benidero, 4 kaya prinsipal na Boneiru lo wòrdu parsialmente será pa rehabilitashon. Ta trata aki di Kaya Amsterdam, Kaya International, Kamind’i Lagun i Kaya Gobernador Debrot. 

Den kuadro di e traboulan, lo raspa partinan bastante grandi for di e kamindanan pa esina prepará esakinan ku un kapa nobo di asfalt. Djamars outomobilistanan por a nota ku ku Kaya Amsterdam ya tabata parse un kaminda di terá, na lugá di un kaminda asfaltá. 

Segun servisio di R&O, e trabounan lo tuma lugá entre 8 ku 20 di desèmber próksimo. Pa día 21 di desèmber, tur kuater kaya lo mester tah abrí pa tráfiko atrobe. 

Spit

Aunke ku e trabounan di drechamentu di kaya a kuminsá poko poko, por nota ku último simannan aki tin mas spit. Despues di a drecha e kaya dilanti Harbor Village Marina, ta asfaltando awor e kaminda pa subi Seru Largu. A drecha tambe Kaya Piedra Presioso pa subi bai den bario di Republiek, i ta terminando ku Kaya Neerlandia.