Notisia

Kompetensia ta saka no ménos ku 302 Lionfish for di laman

Kompetensia ta saka no ménos ku 302 Lionfish for di laman
A saka masa hopi Lionfish durante e evenemento. Pòtret: Lorenzo Mittiga

KRALENDIJK-  E Lionfish Derby 2021, ku a organisá e aña aki, a mira un kantidat di 302 piská saká for di laman. 

E promé premio, pa e kantidat mas grand di piská a bai pa e grupo Private Divers, ku a logra kue 74 piská. E di dos premio a bai pa Licence to Kill, ku a kue un total di 68 piská. 

Private divers a risibí tambe premio pa e Lionfish mas chikitu ku a logra kue: esaki tabata midi nèt 14 sèntimeter, kaminda ku e grupo Kiloknallers a logra di dos lugá ku 1 piská ku tabata midi 14.5 sèntimeter. 

Daño

Lionfish ta un piská ku ta smak bon, pero ku por ta hopi dañiño pa nos refnan. E piská kasi no tin enemigu ku ta yag riba dje. E lionfish mes por guli piská di tamaño bastante konsiderabe, pero hopi biaha promé ku esakinan ta adulto i por a reprodusí. 

Ya ku e piská no tin enemigu den naturales, ta importante pa hende kue mas tantu di e piská nan kai pa saka nan for di awa, promé ku nan por sigui hasi mas daño.