Notisia

Kompania merikano Dunn & Co ta bai traha riba imagen nobo pa Boneiru

KRALENDIJK- E kompania Dunn & Co, di Tampa Florida, ta bai traha riba un imagen promoshonal nobo pa Boneiru. 

Segun Dunn & Co a skibi, nan a keda selektá den no ménos ku 23 kompania pa bai representá Boneiru. E agensia ta splika ku Boneiru ke traha riba un imagen nobo, basá riba un vishon nobo pa su turismo despues di e Pandemia di COVID-19.

Dunn & Co ta skibi tambe ku Boneiru ta un isla eko-séntriko, mundialmente rekonosí komo lugá pa sambuyá i spesialmente pa un luga pa sambuyá kaminda por drenta awa for di kantu. “Boneiru tin 85 sitio pa sambuyá, di kual 54 ta aksesibel for di kosta”. Tambe Dunn & Co ta skibi ku Boneiru ta renombra pa un kulturá reseptivo i di hospitabilidat. 

Aviso

Na nòmber di TCB, Dunn & Co lo traha riba diseño di kampaña promoshonal di Boneiru, planeamentu di ehekushon i tambe kompra di espasio pa aviso.