Notisia

Knops ta ofresé ayudo despues di menasa na polítikonan

Knops ta ofresé ayudo despues di menasa na polítikonan

KRALENDIJK- Sekretario di Estado, Raymond Knops (BZK) djarason anochi a bisa ku ela manda palabranan di sosten pa medio di gezaghèber Edison Rijna. 

“Ku horor mi a tuma nota di e menasennan kontra di vários politico na Boneiru. E tipo di ekspreshonnan aki ta kompletamente inaseptabel, i nan ta mina autoridat na e isla”, asina Knops a skibi den su mensahe pa Rijna. 

Sosten

Tambe Knops a ofrese sosten na Rijna, pa atende ku e situashon. Rijna mientrastantu a entregá un keho ofisial na outiridatnan kompetente i a konsehá otronan pa hasi meskos. 

E portabos di Ministerio Públiko no tabata tin komenterio ainda riba e suseso. 

Wim van Huizen 

Ya a sosodé vários biaha ku a ekspresá insulto i akusashon via di e profil falsu Wim van Huizen. Te asina leu, outoridatnan no a mustra nan mes kapas òf dispuesto pa aktua di forma desesivo kontra di e persona tras di e profil falsu aki.

Lider di Partido MPB djarason a hasi un apelashon riba primeramente Ministerio Públiko mobilisá i kuminsá aktua.