Notisia

Kampaña di bakunashon den bario a kuminsá

Kampaña di bakunashon den bario a kuminsá

KRALENDIJK- E bario di Tera Kòrá ta e promé bario ku a kuminsá ku e  ‘kickoff’, ‘kampaña ‘Banbakuná den bario’ edishon 2022. 

Dokter Michael Mercuur dòkter PH i Dirk Meyer dòkter PG, ámbos di departamentu di Salubridat Públiko a papia na e okashon. Nan a elaborá riba e importansia pa pasa e buster loke ta yuda hopi bon kontra e COVID-19. 

Esei ta pruebá, pasobra ménos hende ta bai hospital si nan ta bon bakuna. Pasando e buster ta hasi e kurpa mas fuerte, sigur despues di algun luna ku a pasa e di 2 angua. Ta bai pasa den barionan entrante awe pa dilanti, asina e hende fásilmente por pasa su angua. 

Muchanan di 5 pa 11 aña pronto ta bin na remarke pa nan bakuna. ta bon ku nan ta bakuna, pasobra nan mes no ta vulnerabel pa COVID-19, sinembargo e hende kaminda nan ta biba si por bira hopi malu si nan haña COVID-19. Tur siman ta hasi tèst riba esnan ku a tèst positivo, pa asina tin un bista ki variante di COVID-19 nan tin.