Notisia

Kachó ta ataká kritatura di tres aña na Belnem

Kachó ta ataká kritatura di tres aña na Belnem

KRALENDIJKDen oranan di atardi a drenta notifikashon di un mucha chikí (peuter) di 3 aña di edat ku a risibi mordé grave di 2 kacho den bario di Belnem. 

A transportá e hobensita pa hospital immediatamente pa risibí trato mediko. Apasesar di mordénan grave e hobensita ta stabil. 

Mirando ku ta trata di kachonan ku a sali for di nan kurá i a ataká e mucha, polis a inisiá e proseso pa laga drumi e kachonan aki inmediatamente. Esaki a sosodé algun ratu despues.  

Keho

Según kuerpo polisial, últimamente tin hopi keho di kacho ku ta kana los, i ta forma un peliger den komunidat. “KPCN ta hasi tur loke ta den nos man pa atendé ku esaki segun loke lei ta permití nos. Nos ke bolbe hasi un yamada na tur doño di kachó pa mantené boso mes na reglanan i asumí responsabilidat pa loke ta trata tin un kacho. Kachonan no tin mag di kana los riba kaya”, asina bosero di polis a deklará.