Notisia

Island Car Rental ta stòp i ta bende tur outo ku AB Carrental

Paula de Bruin a entrega e yabinan di su autonan na Luite Berkenbosch di AB Carrental

KRALENDIJK- E kompania di hür auto Island Car Rental, ku ta situá nèt na salida di aeropuerto Flamigo ta bai stòp di eksistí i a bende tur vehíkulonan ku AB Carrrental. Ku esaki AB Carrental ta bira aun mas grandi

Segun Luite Berkenbosch, gerente general di AB Carrental, e traspaso ta nifiká ku kliente di Island Car Rental tin ku bai kustumbrá ku e sistema nobo di AB Carrental. Na lugá di entregá e auto serka di aeropuerto mes, tah iba hende tereno di AB Carrental na Kaya Industria, kaminda nan ta risibí na vehíkulo. 

Según Berkenbosch, pa kliente e forma di traha aki, ku ta nobo pa klientenan di Island Car Rental, no ta dura muchu mas tantu kompará ku esun aktual. 

Poko poko

Paula de Bruin, di Island Car Rental a bisa ku pa e, e tempu pa bende su kompania a yega. “Ta tempu pa mi bai biba mas poko poko. Segun de Bruin, e dos kompanianan den pasado ya a traha huntu algún tempu kaba. “Pesei mi por bisa ku mi ta pasa mi outonan i mi klientenan pa AB Car Rental ku un kurason trankil. Pa mi e sírkulo ta rònt asina”.