Notisia

Infekshonnan di Covid na Boneiru a baha según RIVM

Infekshonnan di Covid na Boneiru a baha según RIVM

KRALENDIJK- Segun informashon di e Instituto pa Salubridat Públiko i Medio Ambiente di Hulanda (RIVM), e sifranan di kontagio a kai bastante fuerte na Boneiru entre 2 pa 8 di desèmber.

Por ehèmpel, e kantidat di hende ku a tèst positivo pa e virus a baha di 742 pa 100.000 persona pa 483 den transkurso di un siman.

Mientras ku e desaroyo riba su mes ta positivo, por remarká tambe ku tòg Boneiru ta keda e isla ku mas tantu infekshon relativo na e kantidat di habitante. Na Kòrsou tabata tin 55 tèst positivo pa kaa 100.000 habitante, na Aruba 106 tèst positivo pa kada 100.000 persona i na St. Maarten 39 tèst positivo pa kada 100.000 persona. 

Haltu

Esaki ta nifiká ku a pesar di e desaroyo positivo, na Boneiru tin un kandidat di kaso pa siman ku ta 4 biaha mas grandi ku na Aruba i asta 8 biaha mas grandi ku ta e kaso na Kòrsou.