Notisia

Homber di edat ataká pa kachó for di kòntròl na Lagoen Hill

Homber di edat ataká pa kachó for di kòntròl na Lagoen Hill
Tin mas keho kontra e doño di e kachónan konserní entre otro pa daño kousá na auto

KRALENDIJK- Segun informashon di ABC Online media un siudadano di edat hopi avansá a wòrdu ataká den su propió kurá pa un grupo di kachó di su bisiñanan. Na tur e bisiñanan konserní tin 11 kachó den nan kurá di kas, i nan ta kompletamente fo’i kòntròl. 

Aunke autoridatnan tan a altura di e suseso i e problema, aparentemente ta pone nan mes riba e puntu di bista ku tanten ku e víktima no presentá un rapòrt médiko ku ta indiká ku en berdat ela wòrdu mordé.

Keho

Tin mas keho di bisiña i residente ku ta bib banda e famia konserní. Entre otro  e kachónan ta ataká outo tambe, lagando esaki tur na raska. Kontra di esaki Polis tambe lo a bisa ku nan lo no por aktua, sin prueba konkreto.