Notisia

Gobièrnu di Boneiru ta anunsiá i después  drei bèk subida di gasolin

Gobièrnu di Boneiru ta anunsiá i después  drei bèk subida di gasolin

KRALENDIJK- Djaweps atardi a tuma lugá algun moveshon poko straño ora gobierno a anunsiá subida di preis na pòmp i hala esaki bèk aden apenas un par di ora despues.

Inisialmente tabata tin basta bochincha ora a anunsiá e preisnan nobo, ku porsierto ta basta mas haltu. Spesialmente e echo ku a anunsiá e subida di preis djaweps, pa drenta na vigor kaba djabièrne tabata motibu di basta krítika riba medionan sosial. Normalmente tin un espasio di 48 ora entre e anunsio di preis nobo i nan introdushon nan pòmp di gasolin. 

Fluktua

Algun aña pasá a palabra ku, pa evitá subida i bahada drástiko lo a adaptá preis tur luna. Sin embargo den práktika ta hasi esaki kada tantu luna. Spesialmente den temporada ku preisnan internashonal ta subi lihé esaki por pone ku e subida di preis ta basta haltu den un solo shòt. 

Hisamentu di preis di gasolina semper ta algu delikado riba nos islanan. Hopi hende ta kulpa kalke koalisahon ku ta forma Kolegio Ehekutivo pa subida di preis, pero den realidat nan no tin masha influensia riba e preisnan ku ta kobra na pòmp.