Notisia

Gabinte ke bùrs di Erasmo pa inklui área di Karibe

Gabinte ke bùrs di Erasmo pa inklui área di Karibe

DEN HAAG/KRALENDIJK – E partidonan hulandes PvdA i D66 ta boga pa un introdukshon di e bùrs (beka) di Erasmo, pa studiantenan ku ke studia den Reino. Aktualmente studiante ku un bùrs di Erasmo por bai por ehèmpel Spaña i Italia, pero no por studia ne e islanan Hulandes-Karibense. 

Minister Dijkgraaf a bisa ku ta algu kontradiktorio ku studiante por bai otro pais pa studia einan tambe, pero ku esaki no ta inkluí otro pais den Reino. E minister tabata un poko kouteloso sí, den sentido ku ela mustra ku no tin hopi posibilidat di sigui enseñansa riba nivel hopi avansá den e partinan karibense di Hulanda.  

Atenshon

Tin un grupo spesial ku ta studiante e materia, di eksito studiantil studiantenan Karibense, bou di guia di Ron Bormans, presidente di directiva di Hogeschool Rottermam. E grupo aki ta konsehá e kuater ministernan di enseñansa den Reino. Esakinan ta e ministernan di Hulanda, Aruba, Kòrsou i St. Maarten. Dijkgraaf a priminté di trese e programa di mobilidat den Reino bou di atenshon di e grupo aki.