Notisia

Frakshon Coffie soprendí pa vishon di Kroon pa BOPEC

Frakshon Coffie soprendí pa vishon di Kroon pa BOPEC

KRALENDIJK- Frakshon Coffie a manda un karta pa Kolegio Ehekutivo, pa ekspresá asombro pa e vishon ku resientemente diputado James Kroon a trese dilante pa ku e tereno di BOPEC. 

“Ku asombro mi a tuma nota di deklarashonnan di diputado P. J. Kroon den medionan sosial, den kua e ta indiká ku mester pensa pa duna e tereno di BOPEC otro destinashon”, asina miembro di konseho insular, Daisy Coffie, ta skibi den su karta.

Según Coffie, nunka Kolegio Ehekutivo no a trese den Konseho Insular ku plannan pa BOPEC, esta di buska otro operadó lo a kambia. Tampoko esaki a keda diskutí den Dialogo Sentral. 

Pregunta

Coffie a manda awor un kantidad di 11 pregunta por eskrito pa Kolegio Ehekutivo ku e súplika pa kontestá esakinan riba termino mas kòrtiku posibel.