Notisia

Festival di Planta Palu 2021 

Festival di Planta Palu 2021 
E muchanan di grupo 5 repartí den un siman di tempu a haña turno pa planta palu huntu ku STINAPA

KRALENDIJK- For di 22 di novèmber te ku djabièrne 26 di novèmber STINAPA, huntu ku alumnonan di grupo 5 di tur skol básiko di Boneiru, a selebrá Festival di Planta Palu.

Den kuadro di restorashon di vegetashon den Parke Nashonal Washington Slagbaai, ya ta pa di 12 bia ku STINAPA huntu ku e alumnonan ta planta palu na entrada di Parke Nashonal Washington Slagbaai.

E muchanan a siña dikon ta importante pa planta mata i tambe kon nan por kuida nan mata ku nan planta na kas. Kada mucha a entregá un pintura di nan palu di fantasia. Di e pinturanan a skohé un ganadó di kada klas. Kada ganadó a risibí un regalo di KFC pa kompartí ku nan famia.

Si den pasado Festival di Planta Palu i tabata sosodé riba un dia ku tur skol huntu, COVID a pone ku mester a parti e skolnan durante henter un siman pa asina kumpli ku reglanan ku gobiernu a pone pa Covid.

Terra Barra

E aña aki fundashon Terra Barra a suministrá STINAPA e palunan lokal ku a planta. Tambe kada mucha a haña un palu lokal bai kas ku ne pa planta na kas. Esaki tabata òf un Watakeli òf un Fofoti. Asina ta yuda hasi pafo di nos parke tambe mas bèrdè ku ta posibel.