Notisia

Ferry di Saba ku St. Eustatius lo kuminsá nabegá den forma di prueba

Ferry di Saba ku St. Eustatius lo kuminsá nabegá den forma di prueba
E fèri Makana ta di e mesun tipo ku e fèri Chogogo ku, pa un tempu kòrtiku a nabegá entre Boneiru i Kòrsou. 

ORANJESTAD/THE BOTTOM- E fèri Makana, ku ta bai konektá e islanan di Saba i St. Eustatius ku entre otro St. Maarten i St. Kitts, día promé di desèmber lo hasi un promá kareda.

E fèri meter a kuminsá operá for di día promé di novèmber, pero a resultá ku servisio di RCN mes, manera Douane ku Kmar no tabata kla. 

Después di e promé kareda di día promé di desèmber, lo sigui otro kareda día 3 di desèmber. Ta e speransa pa, entrante día 5 di desèmber kuminsá ku e horario ofisial. Ainda lo no por bai St. Kitts, pasombra e islanan aki ainda ta apliká regla basta estrikto pa bishitantenan. 

Pasashi

Pasashi mester wòrdu kumprá ainda na agencia di biahe, pero pronto ta e idea pa kuminsá tambe ku benta via de wèpsait tambe. Esnan ku ta kòrda e fèri Chogogo na Boneiru, lo ripará ku Makana ta e mesun tipo di boto ku Chogogo tabata ta.