Notisia

EZ Air a habri su ofisina di pasashi na aeropuerto Flamingo

EZ Air a habri su ofisina di pasashi na aeropuerto Flamingo
Un bista di klientenan wardando turno na ofisina di benta di EZ Air na aeropuerto Flamingo

KRALENDIJK- Despues di un temporada di preparashon, e ofisina di benta di EZ Air na aeropuerto Flamingo awor ta operashonal. 

EZ Air a bin ta ekspandé e servisio pa benta di pasashi poko poko, pero sigur. Promé a kuminsá habri e ofisina di benta na aeropuerto riba tur djasabra entra 10 ‘or di mainta pa 4 ‘or di atardi. Resientemente a kuminsá habri e ofisina tambe riba djadumingu. 

Gerensia di EZ Air a konfirmá na Awor Bonaire ku e ofisina di benta na Boneiru te na e momento aki ta habri solamente den siman, di djaluna pa djabièrne entre 8 ‘or i mei di mainta pa 5 ‘or i mei di atardi. 

Mas empleado

Tambe gerensia di EZ Air a konfirmá na Awor Bonaire ku ta tumando mas hende na servisio ainda. E empleadonan aki ta siguiendo treinen ainda. Despues ku e parti preparatorio ta kla, e intenshon ta  pa kuminsá habri den wikent tambe. EZ Air ta riparando hopi interes di biahero pa su buelonan pa entre otro Barranquilla i Medellin. E buelonan pa Medellin lo kuminsá di 2 di desèmber próksimo.