Notisia

Duana ku unifòrm nobo riba Dia Internashonal di Duana

Duana ku unifòrm nobo riba Dia Internashonal di Duana
Douaneronan na Boneiru a mustra nan ünifòrm nobo na ofisina di douane. Pòtret: RCN 

KRALENDIJK- Na Hulanda Karibense  selebrá dia Internashonal di Douane ku introdukshon di ünifòrm nobo di Duana Hulanda Karibense. 

Segun servisio di Impuesto di Karibe Hulandes, bou di kua Douane ta kai, ta bisa ku e ünifòrm nobo di duana ta un ünifòrm modèrno, ku por bisti i ta duradero, loke ta kuadra ku e trabou  multifasétiko di duanero. 

Tambe, segun B/CN ta bisa, e üniform entre otro ta radia outoridat i konfiabilidat i ta fortalesé visibilidat i rekonosebilidat. E kambio mas notabel pa ku e unifòrm nobo ta ku a kambia e koló bèrdè pa koló blou.  Enfin: un unifòrm ku ta kuadra ku e organisashon di mantenshon moderno ku Duana ta.

Konfortabel i funshonal

A skohe pa material ku ta ofresé kònfòrt i funshonalidat dor di kua trahadónan di duana ta traha den dje ku smak. Pa e ünifòrm nobo di Duana a hasi uzo mas tantu posibel di material resiklá i duradero, partikularmente polièster resiklá i katuna orgániko. 

Duana Hulanda Karibense ta forma parti di Belastingdienst Caribisch Nederland (B/CN) i ta partikularmente responsabel pa supervishon di fluho di artíkulonan pa i for di Boneiru, Sint Eustatius i Saba i pa kobransa di ABB ora ta trata di importashon. Di tal manera e ta forma parti di Duana Hulandes.