Notisia

Dos angua di corona nesesario pa biaheronan pa Merka

Dos angua di corona nesesario pa biaheronan pa Merka

KRALENDIJK- Tur biahero di Boneiru pa Estadonan Uní di Merka mester a pasa dos angua di corona pa drenta e pais akí. 

Esei ta nifiká ku hendenan ku a haña corona i pa e motibu ei a pasa ún angua kontra corona, mester pasa e di dos angua kontra corona promé ku nan biaha pa Merka, asina departamento di komunikashon di Entidat Públiko Boneiru (EPB) ta suprayá. 

Siudadanonan kompletamente bakuná ku tin plan pa biaha por pidi un QR-code digital na 0800 0900. 

Dos angua

Ora un persona ku a haña corona i pa e motibu ei a bakuná solamente ún biaha pidi e QR-code, e ta haña e rekomendashon pa pasa e di dos angua promé. Ta rekomendá esaki, pasobra pa hopi pais, entre kua Merka, e QR-code akí ta obligatorio pa drenta. 

Kódigo QR

Siudadanonan por pidi e QR-code di djaluna te ku djabièrnè durante ora di trabou na 0800 0900. Nan ta haña un sita e ora ei pa buska e QR-code di papel. Ora ta hasi e petishon, nan mester tin nan prueba di bakunashon i un identifikashon na man. Por buska e kódigo di papel na Sentro Deportivo Jorge Nicolaas. Ora ta buska e kódigo, siudadanonan ta haña splikashon riba papel kon nan por upload e kódigo riba nan selular. Si ta nesesario, siudadanonan por haña yudansa tambe pa upload e kódigo.