Notisia

Dòbel kompensashon pa yu pa mucha ku èkstra nesesidat di kuido 

KRALENDIJK – Mayornan di muchanan ku nesesidat di kuido intensivo na Hulanda Karibense den futuro por pidi tambe dòbel kompensashon pa yu. Asina minister Carola Schouten (Maneho di Pobresa, Partisipashon i Penshun) a anunsiá awe.

Muchanan ku nesesidat di kuido spesífiko, debí na malesa òf un kondishon, tin mester di hopi kuido èkstra. E kuido aki ta trese gastunan èkstra kuné tambe. Mayornan di e muchanan akí den futuro por pidi dòbel kompensashon pa yu pa por kubri parti di e gastunan akí. 

Minister Schouten: “Komo mayor bo ta deseá di konsentrá tur bo atenshon riba bo yu i sin mester di pensa si por paga e gastunan èkstra òf nò. E dòbel kompensashon pa yu ta eliminá un parti di e ‘preokupashon’, di manera ku dunamentu di kuido por keda primordial.”

Ta kalkulá ku e kantidat di mucha ku un nesesidat di kuido intensivo na Hulanda Karibense ta alrededor di 140 mucha. For di investigashon a sali na kla ku introdukshon di dòbel kompensashon pa yu ta deseabel i posibel. Intenshon ta ku entrante yüli 2023 tur kas di famia en kuestion por pidi e dòbel kompensashon.

Sekretario di Estado Alexandra Van Huffelen (Relashon di Reino) ta yama e igualisashon un bon notisia: “Durante mi bishita resien na Hulanda Karibense a sali na kla ku esaki ta un gran nesesidat na Boneiru, Sint Eustatius i Saba. Mi ta kontentu ku mayornan ta bai haña e ayudo finansiero aki.”