Notisia

Direktor nobo asuntunan di reino ta familiarisá su mes ku Boneiru

Un impreshon di e bishita na Seru Largu

KRALENDIJK- Den dianan tras di lomba e direktor nobo di Asuntonan di Reino, di e ministerio di Asuntunan Interior i di Reino (BZK), René Bachgus, a familiarisá su mes ku Boneiru.

Entre otro e direktor a topa ku diputado Hennyson Thielman i sekretario di Entidat Públiko Boneiru (EPB), Wendy Pelk. 

Tambe e direktor a será konosí ku e team di maneho, konsistiendo di e direktornan di EPB. Entre otro a papia ku Bachgus tokante temanan manera krio di bestia, maneho di sushi na Boneiru, akohida di mucha, barionan i Rincon. 

Van Huffelen

E siman aki lo mira tambe e promé bishita di sekretario di estado di BZK nobo, Alexandra van Huffelen. E sekretario di estado lo tin su propio programa djaluna i djamars. Djamars mèrdia lo tin un konferensia di prensa, kaminda e lo konta algu di su promé impreshonnan di e isla.