Notisia

Diputado ta felisitá hungadó di vòli Luiyi Morales na despedida pa Hulanda

Diputado ta felisitá hungadó di vòli Luiyi Morales na despedida pa Hulanda
Diputado Kroon ku Luiyi Morales na aeropuerto Flamingo promé ku salida pa Hulanda

KRALENDIJK- Diputado James Kroon a bai yama hungadó di vòli Luiyi Morales ayó na su salida pa hulanda pa partisipá na un asina yamá ‘try-out’. 

Na airopuerto diputado Kroon a felisitá Morales i deseá e hungadó di vòli hopi éksito. Diputado Kroon ta aploudí ku dor di motivashon, disiplina i perseveransia un soño por bira realidat. Segun Kroon e logro personal di Morales ta un momento históriko tambe pa Bonaire.

Logro

Kroon a hasi uso di e oportunidat pa felisitá tambe Federashon di vòli (Bovobo) ku un logro mas pa Bonaire. “Un porta mas a habri pa pa nos hóbennan i mi ta konvensí ku e aporte ku Entidat Públiko Boneiru ta duna pa desaroyo pa ku deporte, lo bini mas oportunidat  pa nos hóbennan” asina Kroon a bisa.