Notisia

Di tres Ora Kontento fo’i mi balkon

Di tres Ora Kontento fo’i mi balkon

KRALENDIJK- E di 3 ‘Ora kontentu for di mi Balkon’ a tuma lugá djabièrnè 17 di desèmber. A pesar ku áwaseru a kai na diferente okashon, esaki no a stroba e aktividat den su totalidat. 

Un parti chikitu di bailamentu di mucha no a tuma lugá na komienso, sinembargo e otronan ku tabata plania pa e anochi a sigui. 

Dos agrupashon musikal a presentá e anochi i grupo di baile Dance & More. Agrupashon musikal Krioyo Kids i JC and Friends a anima e anochi den kura di SKAL. Promé ku a aktividat a tèrminá, Joselito Statia a menshoná e anochi, ku e ta hopi kontentu di e aktividat i ta spera kontinuá esaki aña nan ku ta sigui. 

Músika krioyo 

E ta e persona ku a bin ku e idea pa laga gruponan presentá apesar di e situashon di pandemia di covid-19. El a bisa ku ta notabel hopi hóben artista, loke ta hopi importante pa e músika krioyo na Boneiru.