Notisia

Después di algún konfushon: Damanan di Pachi’s Place por biaha djaluna awor

Después di algún konfushon: Damanan di Pachi’s Place por biaha djaluna awor

KRALENDIJK- Despues ku a surgi algún konfushon tokante permit ku e damanan ku ta bin traha na Pachi’s Place tin tur kos na òrdu pa por biaha bin Boneiru pa kuminsá nan trabou na Pachi’s Place, ministerio di Asuntonan Eksterior djaweps anochi a duna algún informashon tokante e kaso. 

“A surgi poko inklaridat tokante biahe di damanan di plaser for di Colombia pa Pachi’s Place.  Lo a ser bisá ku lo no permití e damanan aki drenta Boneiru den kuadro di posibel obligashon di tin un visa, pero esaki no ta kuadra. Personanan ku ta bini for di Colombia no mester di visa pa drenta Boneiru, asina e komunikado ta klarifiká. 

Di otro banda, e mensahe di boseroa ta mustra ku normalmente ta tene un asina yamá ‘kombersashon di intake’ ku e damanan di plaser na embahada Hulandes na Bogotá. Mester traha un sita adelantá na embahada, sigur si ta trata di mas persona na mes momentu. Esaki den e kaso aki no a tuma lugá. 

Pèrmit

“E damanan aki mester tin un pèrmit pa duna servisio na Boneiru i esaki nan a haña tambe. Kmar ta kontrolá ku ta kumpli ku kondishonnan ora ku yega Boneiru pa por drenta nos isla meskos ku ta kontrolá tur otro estranhero ku yega. Si e personanan konserní tin tur dokumentu nesesario nan por drenta Boneiru”, asina e deklarashon ta termina.