Notisia

Depues di 13 aña di retraso porfin por kaba proyekto na Karel’s Beach Bar

KRALENDIJK- Despues di un retraso di no ménos ku 13 aña porfin por bai kaba e proyekto di konstrukshon di un pir nobo na Karel’s Beach Bar. 

Djabièrnè atardi a desvelá bòrchi ku ta marka inisio di e fase final di e proyekto ku a keda stanká pa hopi aña mes, pa motibu di un diferencia di opinion entre propretarionan, famia Visser, i diferente instansia, pa loke ta trata e permitnan nesesario. 

Entre otro STINAPA den e tempu aya, a pone su mes riba e punto di bista ku no tabata tin permit pa konstrukshon di e proyekto. Algu ku Ministerio Públiko tambe a mustra su mes di acuerdo kune, pasombra a duna orden pa para e proyekto bou di menasa di un but di no ménos ku 50.000 dòler pa kada día ku lo a sigui ku e konstrukshon. 

Miones

Awor ku a keda kla ku tur pèrmit i tur diferensia di opinion a wòrdu solushoná, porfin por bai kaba e proyekto. Karel Visser, di Karel’s Beach Bar ta spera ku pa luna di ougùstùs e proyekto mester ta ful kla. 

Segun Visser, na final, gastu di e proyekto ta bai kai den miones. “Te asina leu a gasta 1.6 mion di dòler, pero nos ta spera di gasta basta un tiki mas, promé ku tur kos ta kla. 

Visser a yama danki tambe na diferente hende ku a keda kere den e proyekto, entre otro diputado James Kroon, pero tambe hende manera Aubrey Sealy (qepd).