Notisia

CBS ta inisiá enkuesta Kuenta Nashonal Hulanda Karibense 2020

Foto ABC Online Media

KRALENDIJK – Durante e próksimo lunanan Ofisina Sentral di Estadístika (CBS) lo ehekutá un investigashon bou di sektor empresarial riba e islanan di Hulanda Karibense, komo parti di enkuesta riba Kuenta Nashonal.

E aña di investigashon ta 2020. E investigashon aki tin komo meta pa hasi un inventarisashon di desaroyo ekonómiko riba Bonaire, Saba i Sint Eustatius.

CBS lo aserká e empresanan riba e tres islanan pa kompletá e kuestionario. CBS lo publiká e resultadonan di e investigashon den e último kuartal di aña 2022.