Notisia

Boneiru ta bai haña su propio Rekenkamer

Boneiru ta bai haña su propio Rekenkamer

KRALENDIJK- Boneiru ta bai haña su propio Rekenkamer, awor ku Konseho Insular a aprobá un ordenanza pa lanta e instituto aki.

Inisialmente tabata e idea ku e islanan di Boneiru, St. Eustatius i Saba huntu lo a lanta un Rekenkamer BES, pero esaki por a konta ku poko entusiasmo di partikularmente e isla di Saba. Despues di esaki, a kuminsá hasi tramite pa kada isla lanta su propio Rekenkamer. 

Meta

Meta di e Rekenkamer ta pa kontrolá maneho di Kolegio Ehekutivo, pa loke ta traha efisiensia i legalidat di gastunan. Den lus di diskushonnan tokante (mal)gastamentu di sèn di pueblo den asuntunan manera e rotònde frakasá na Kaya Amsterdam, e lantamentu di un Rekenkamer a haña  mas akohida i atenshon.

Pronto Entidat Públiko lo mester kuminsá ku e proceso di reklutashon pa nombra hende den e Rekenkamer aki. E Rekenkamer mester tin mínimo dos miembro, i máksimo tres.