Notisia

BonDoet a ranka sali djabièrnè mainta

Boluntarionan deskansando un momentu. Pòtret: ABC Online Media.

KRALENDIJK- Riba djabièrnè mainta e proyekto di boluntario a ranka sali pa e di 12 aña na Boneiru.

Roosje van der hoek, kende tin e tarea na su enkargo atrobe, a papia na e okashon. “Reino kompletu ta den Doet. Nos ta orguyoso pa selebrá e di 12 edishon di Bondoet. Hopi entusiasmá, ku 70 djòp i 950 boluntario, sigur ta algu grandi un bes mas pa Boneiru”, asina Van der Hoek a bisa.

Diputado Nina de Heyer tambe a hiba palabra na e okashon. “Tremendo pa mira e Bondoet di Boneiru un bia mas. Ban sigui hasi e kosnan boluntario, for di nos kurashon. Nos ta hasiendo e, pasobra, nos ke yuda esun ku mester i gobièrnu no por hasi tur kos. Ban kuida Bondoet i tur kos ku nos ta hasi boluntariamente. Ban hasi bon i pasa bon.”