Notisia

Bishita di trabou di komishon fiho di Eerste Kamer na parti Karibense di Reino

KRALENDIJK – Un delegashon di 13 miembro di e komishon fiho di Relashonnan den Reino di Eerste Kamer ta hasi un bishita di trabou di djabièrnè 25 di febrüari 2022 pa djadumingu 6 di mart na parti Karibense di Reino. 

E delegashon ta bishitá tantu e paisnan Aruba, Kòrsou i Sint Maarten komo e entidatnan públiko Saba, Sint Eustatius i Boneiru. Delegashon ke haña informashon di su partnernan den Karibe tokante asuntunan ku ta importante pa e islanan. Pa e senadornan e kombersashonnan ta fungi komo profundisashon di e dosié di lei ku Eerste Kamer ta trata òf lo bai trata i alabes tin komo meta pa fortifiká e lasonan den Reino. 

Sera konosí
Tambe e bishita ta duna e boseronan di frakshonnan chikitu i mediano den Eerste Kamer e oportunidat pa sera konosí mas di aserka ku e parti Karibense di Reino, mirando ku normalmente nan no ta forma parti di e delegashon di Staten Generaal ku ta konsistí di miembronan di Eerste i Tweede Kamer ku ta partisipá na IPKO (Interparlementair Koninkrijksoverleg), ku ta tuma lugá kada seis luna.