Notisia

BIA ta bai tin un sala di espera úniko parsialmente den aire libre

BIA ta bai tin un sala di espera úniko parsialmente den aire libre
E área nobo lo ofresé un bista hopi serka di e plataforma i e avionnan ku ta stashoná einan. Pòtret ABC Online Media

KRALENDIJK- Ora ta tuma e parti nobo di ekspanshon di aeropuerto Flamingo den uso, e aeropuerto lo tin un sala di espera absolutamente úniko ku ta parsialmente den aire libre. 

Dor di e forma di konstrukshon, ku hopi bentana di glas, pasaheronan lo tin un bista hopi di askerka di e avionnan prome ku nan embarká esaki. 

Tambe lo tin oportunidat pa esnan ku ta huma, ta hasi esaki riba e terasa di aire liber. Además lo tin tambe un bar kaminda ku por kumpra algu di bebe, mientras ku ta spera e buelo. 

Popular

Por spera ku e parti nobo di BIA lo ta basta popular ku turista. Riba niun otro aeropuerto den karibe hulandes tin un fasilidat komparabel ku esun ku ta kreando aktualmente na BIA. Ainda no tin un fecha konkreto pa apertura ofisial pa e parti nobo. 

E ofisina di arkitekto, Lobo & Raymann tabata responsabel pa e diseño di e ekspanshon.