Notisia

Bearing Point a organisá otro Tax Administration Performance Summit

WILLEMSTAD- E kompania di konsùltent Bearing Point, siman tras di lomba a organisá un otro enkuentro ku vários profesional di belasting ku nan ta sirbi na diferente parti di mundo. 

Tabata tin partisipante di entre otro Dominica, Anguilla, Turks & Caicos, Fiji, Samoa i Papua New Guinea. Na tur e evento a dura no ménos ku tres dia. 

Kontentu

“Nos ta hopi kontentu mes, ku nos por a yama nos partisipantenan bon biní pa e enkuentro aki. Aña pasá nos mester a kanselá e evento pa motibu di Covid-19 i ta hopi great pa por topa ku diferente profeshonalnan di 10 diferente organisashonan di belasting ku nos ta sirbi”, asina Avinash Grootens a bisa. E ta direktor general di Bearing Point Caribbean.