Notisia

Atvertensia: No usa lechi di puiru kontaminá di e marka Similac

KRALENDIJK – Gobièrnu di Boneiru ta konsehá komunidat pa no usa lechi di puiru di e marka Similic. Ta trata spesífikamente lechi di puiru di e marka Similac ku number di produkshon ku ta kuminsá ku 22 te ku 37. 

Tur hende ku a kumpra e lechi aki por hiba esaki bèk kaminda a kumpr’é.

Gobièrnu di Boneiru resien a haña informashon ku e lechi di e marka Similac porta kontaminá i ku ta bende esaki tambe na Boneiru. 

Riba petishon di departamento di Salubridat Públiko inspektornan di direktorado di Supervishon i Mantenshon di lei a hasi un investigashon. For di e investigashon aki a sali na kla ku e lechi di puiru di beibi a keda bendé na Boneiru. Mientrastantu supermerkadonan a saka e produkto aki for di surtido.