Notisia

Aruba,  Kòrsou i St. Maarten ta bira paisnan di riesgo abou pa Boneiru

Aruba,  Kòrsou i St. Maarten ta bira paisnan di riesgo abou pa Boneiru

KRALENDIJK- Entrante 12 di novèmber 2021 Aruba, Kòrsou i St. Maarten lo bira pais di riesgo abou pa Boneiru. Esaki komo konsekuensia di un adaptashon di e lista di pais di riesgo ku ta drenta na vigor entrante 12 di novèmber 2021.  

Entrante e fecha akí biaheronan kompletamente bakuná for di Aruba, Kòrsou i St. Maarten no tin nodi di hasi e tèst di PCR pa nan biaha pa Boneiru. Nan mester yena e deklarashon di salú sí.   

Pasaheronan no bakuná for di e tres islanan pa Boneiru, mester hasi un tèst di PCR denter di 48 ora promé ku nan biahe i yena e deklarashon di salú. Biaheronan no bakuná ku ta biaha denter di 48 ora ida i buèlta di Boneiru pa un di e tres islanan, por usa e mesun  tèst di PCR pa nan biahe pa bini bèk. 

Boneiru

Boneiru mes sin embargo lo keda pais di riesgo hopi haltu pa e 3 islanan hermana. Esaki pa motibu di e echo ku Boneiru ta hopi leu di kontené e brote mas resien di Covid na nos isla. Aktualmente e grado di kontagio na Boneiru ta entre 4 pa 7 biaha mas haltu ku esun na Kòrsou por ehèmpel, kontá pa kada 100.000 habitante. Esaki ta nifiká ku biaheronan ku ta sali pa Kòrsou no solamente mester hasi un tèst di PCR promé ku e biahe, pero tambe un tèst antígeno riba e di 3 dia despues di a yega for di Boneiru.