Notisia

A supsendé detenshon di Suzy Thodé

A supsendé detenshon di Suzy Thodé
Suzy Thodé ta parse di no ta tumando e akusashonnan den su direkshon komo masha serio

KRALENDIJK – Suzanne (Suzy) Thodé kende resientemente a keda detené en konekshon ku un investigashon tokate e página di facebook falsu bou di e nòmber Wim Van Huizen, a keda lagá den libertat djaweps den oranan di atardi. 

Segun un deklarashon di kuerpo policial a skohe pa laga Sra Thodé bai kas, mientras ku e investigashon ta sigui. 

Thodé mes ta parse di ta tuma e akusashon no muchu na serio. Djaweps ela post diferente kos riba su Facebook, entre otro un video kòrtiku kaminda ela gradisi tur hende pa e atenshon grandi ku ela haña den último dianan aki.