Notisia

A neutralisá kachónan atrobe, e biaha aki pa prevenshon

KRALENDIJK – A neutralisá kachónan agresivo atrobe. E biaha aki despues di vários notifikashon ku a drenta na polis tokante komportashon agresivo i destrukshon pa algun kachó. Mas trempan riba e mesun dia a papia ku e doño tokante e echo ku e kachónan ta bula kura.

E doño lo a sòru pa un solushon pa esaki. Algu mas lat riba e mesun dia a drenta notifikashon atrobe tokante e mesun grupo di kachó aki ku tabata pafó di e kura i ku nan mester a okashoná daño na pertinensia di otro hende. Dor di tur e notifikashonnan aki i pa seguridat di habitantenan di e bario, a skohe pa laga pasa e kachónan aki angua, komo medida preventivo.

Mas tokante e tópiko aki pronto riba Awor.nu.